Isufi: Marrëveshja e dy presidentëve hap rrugën që të korrigjohen gabimet

Shefi i grupit parlamentar të AAK-së, Ahmet Isufi tha se qe dy vjet e gjysmë po përballen me këtë temë duke e ditur edhe rëndësinë e kësaj çështje duke pretenduar që ka një zgjidhje çfarë meriton populli i Kosovës.

“Pikërisht pse kemi një projektligj që saktëson elementet të cilat në të kaluarën kanë qenë të kundërshtuara për shkak të gabimeve që kanë ndodhur, prandaj marrëveshja me dokumentacionin e komisionit qeveritar, me marrëveshjen e dy presidentëve, hap rrugën që Kosova të arrij korrigjimin për gabimin që kanë mundur të lëshohen në të kaluarën e po ashtu hap rrugën për liberalizmin e vizave është një proces shumë i kërkuar nga qytetarët. Angazhimi ynë ka qenë korrigjimi që është pranuar edhe nga Mali i Zi”, tha Isufi.