5 orë më parëHoxhaj: Kosova s’e harron ndihmën e miqve në rrugën për liri dhe pavarësi
Periskopi(8 vite më parë)
(8 vite më parë)Është mbajtur sot në Prishtinë, konferenca ndërkombëtare e PanEuropa-Kosova, me temën “Një dekadë e pavarësisë – Rruga Evropiane e Kosovës”, ku morën pjesë diplomatë të njohur evropianë, përfshirë Presidentin e Unionit Pan-Evropian, Alain Terrenoirre dhe ish-eurodeputeti Bernd Posselt, ministrja e Integrimit Evropian, Dhurata Hoxha, si dhe personalitete të njohura nga vendet e rajonit. Konferencën e […]
Konferencën e ka hapur zëvendëskryeministri i Republikës së Kosovës, Enver Hoxhaj, i cili ka folur për rrugën e Kosovës drejt pavarësisë dhe shtetndërtimit, sfidat dhe raportet e Kosovës me shtetet tjera.
Hoxhaj ka thënë se anëtarësimi në Bashkimin Evropian është qëllimi më i lartë gjeostrategjik i Kosovës, ndërsa theksoi se Kosova ka popullin më pro-perëndimor në Ballkan, njofton Zyra e Kryeministrit, përcjell Klan Kosova.
“Kosova nuk do ta harrojë ndihmën e miqve ndërkombëtarë dhe kontributin e tyre në realizimin e aspiratës së popullit të Kosovës për liri dhe pavarësi. Kosova sot është dëshmuar të jetë një storie suksesi”.
“Asnjëherë nuk do ta harrojmë rrugëtimin e gjatë që kemi pasur, të luftës për liri dhe pavarësi. Rrugë me përplotë sakrifica, por me plotë shpresa për realizimin e aspiratave të shumë gjeneratave për pavarësi dhe për ta pasur shtetin tonë. Kosova kurrë nuk do ta harrojë ndihmën dhe kontributin e miqve tanë ndërkombëtarë, të cilët janë të shumtë dhe janë kudo nëpër botë, që u angazhuan për Kosovën, që ajo sot të jetë një storie suksesi e ndërtimit të shtetit nga themelet”, ka thënë Hoxhaj.
