4 orë më parëHaxhiu: LDK po mbështetë veprime antikombëtare
Periskopi(8 vite më parë)
(8 vite më parë)Deputetja e Vetëvendosjes Albulena Haxhiu ka reaguar ndaj deklaratave të shefit të grupit parlamentar të LDK’së, Abdullah Hoti. Ky i fundit tha se kryeministri i Shqipërisë Edi Rama tregoi mos respekt ndaj kosovarëve kur propozoi një president të përbashkët për Shqipërinë e Kosovën. Kjo deklaratë për Haxhiun është antikombëtare, duke thënë se partia e udhëhequr […]
Deputetja e Vetëvendosjes Albulena Haxhiu ka reaguar ndaj deklaratave të shefit të grupit parlamentar të LDK’së, Abdullah Hoti. Ky i fundit tha se kryeministri i Shqipërisë Edi Rama tregoi mos respekt ndaj kosovarëve kur propozoi një president të përbashkët për Shqipërinë e Kosovën.
Kjo deklaratë për Haxhiun është antikombëtare, duke thënë se partia e udhëhequr nga Isa Mustafa, vazhdimisht lëshon deklarata të tilla.
Derisa sipas saj, kur është fjala për reagime kundër liderëve serbë, hesht.
“Avdullah Hoti paska reaguar kundër deklaratës të Edi Ramës e poashtu ditë më parë duartrokiti heqjen e flamurit kombëtar nga rrethi. S’e di pse LDK në përgjithësi me zell flasin e përshëndesin veprimet antikombëtare dhe kundërshtojnë deklaratat që çojnë drejtë bashkimit kombëtar. Nuk e mbaj mend ndonjëherë që z.Hoti dhe LDK, kanë reaguar kundër deklaratave të shpeshta të Vuçiqit, kundër Republikës sonë, as kundër luftës së egër të Serbisë ndaj Kosovës, kudo në mekanzimat ndërkombëtarë. Në raste të tilla fshihen si struci!”, ka thënë Haxhiu.
Shefi i deputetëve të LDK’së, Avdullah Hoti, ka dalë kundër idesë së kryeministrit të Shqipërisë, Edi Rama, për një president të përbashkët të të dy shteteve”.
