Erdogan: Turqia do të prodhojë tanke pa pilot

“Ne do të bëjmë një hap përpara (automjetet ajrore pa pilot të prodhuara në vend)… Ne duhet të rrisim aftësinë e prodhimit të tankeve pa pilot. Ne do ta bëjmë këtë,” tha Erdogan gjatë një takimi që kishte në kompleksin presidencial në Ankara më 21 shkurt.

Pesë ushtarë turk së fundmi janë vrarë në një tank afër zonës siriane Sheikh Haruz në distriktin e Afrinit, ku Turqia kishte filluar një operacion ushtarak kundër Njësisë Mbrojtëse të Popullit (YPG) më 20 janar, raporton “Hurriyet”, transmeton Periskopi.

“Pothuajse të gjithë transportuesit e blinduar [që veprojnë] në Afrin janë prodhuar në vend. Unë falënderoj miqtë tanë që i kanë prodhuar ato,” tha Erdogan.

Presidenti turk ka kritikuar në mënyrë të përsëritur disa vende të huaja për dyshimin se janë të gatshëm të shesin automjete ajrore pa pilot, të armatosur apo të paarmatosur, duke theksuar se sistemet pa pilot mund të ulnin viktimat.

Pas takimit me komitetin ekzekutiv të Nënsekretariatit për Industrinë e Mbrojtjes (SSM) më 31 janar, në deklaratën e presidentit turk thuhet se ka “një total prej 55 projekteve me vlerë 9, 4 miliard dollar.”

Komiteti vendosi të shtojë “sisteme të mëtejshme vendase dhe kombëtare” për të ndihmuar ushtrinë në operacionin ushtarak të koduar “Dega e Ullirit” në Afrin të Sirisë./Periskopi/