7 orë më parëDelawie e Apostolova takohen me deputetët e LDK-së, flasin për Demarkacionin
Periskopi(8 vite më parë)
(8 vite më parë)Deputetët e Lidhjes Demokratike të Kosovës takuan ambasadorin e SHBA-së, Greg Delawie, dhe shefen e Zyrës së BE-së, Natalia Apostolova. Në takim morën pjesë edhe deputetët si Vjosa Osmani, Armend Zemaj, Anton Quni, që mandatin e kaluar ishin kundër marrëveshjes së Demarkacionit. LDK-ja garantoi përfaqësuesit ndërkombëtarë se të gjithë deputetët do të votojnë pro Demarkacionit. […]
Deputetët e Lidhjes Demokratike të Kosovës takuan ambasadorin e SHBA-së, Greg Delawie, dhe shefen e Zyrës së BE-së, Natalia Apostolova. Në takim morën pjesë edhe deputetët si Vjosa Osmani, Armend Zemaj, Anton Quni, që mandatin e kaluar ishin kundër marrëveshjes së Demarkacionit. LDK-ja garantoi përfaqësuesit ndërkombëtarë se të gjithë deputetët do të votojnë pro Demarkacionit.
Në takime u bisedua për situatën e përgjithshme në vend me theks të veçantë në procesin e Ratifikimit të Marrëveshjes për Kufirin në mes të Republikës së Kosovës dhe Republikës së Malit të Zi.
“Si ambasadori Delawie ashtu edhe znj. Apostolova, vlerësuan lart kontributin e Lidhjes Demokratike të Kosovës në këtë proces dhe konsistencën për integrimet euroatlantike”, thuhet në njoftimin e LDK-së.
Në këtë takim, Avdullah Hoti ritheksoi edhe një herë qëndrimin e LDK-së sa i përket procesit të ratifikimit të kësaj Marrëveshjeje dhe konfirmoi votën unanime pro të Grupit Parlamentar.
Në takimet me ambasadorin Delawie dhe znj. Apostolova morën pjesë deputetët Vjosa Osmani, Armend Zemaj, Lumir Abdixhiku, Driton Selmanaj, Anton Quni, Ismet Beqiri dhe Mimoza Kusari – Lila.
