2 orë më parëDaçiq: BE-ja dhe vendet perëndimore po i ‘fshehin kokat nën zall’ karshi deklarimeve të Edi Ramës
Periskopi(8 vite më parë)
(8 vite më parë)Ministri i Punëve të Jashtme të Serbisë, Ivica Daçiq, ka kritikuar Bashkimin Evropian dhe vendet perëndimore, duke thënë se po “ i fshehin kokat nën zall”, përballë deklaratave të kryeministrit shqiptar, Edi Rama, që Shqipëria dhe Kosova ta kenë një president të përbashkët. Sipas Daçiqit është e frikshme që deklaratat të tilla të kalojnë pa […]
Sipas Daçiqit është e frikshme që deklaratat të tilla të kalojnë pa asnjë qortim nga BE-ja.
“Rama fjalë për fjalë tha se Shqipëria dhe Kosova duhet ta kenë një president të përbashkët, një politikë të përbashkët të jashtme dhe të sigurisë, dhe askush nuk e kritikon atë,” tha Daçiq për Tanjugun, transmeton Periskopi.
Daçiq pyeti se çfarë do të ndodhte nëse një gjë të tillë do ta deklaronte Serbia.
“Serbia nuk ka kërkuar kurrë diçka të tillë, por vazhdimisht është shënjestër e kritikave nga Brukseli dhe vendet perëndimore, dhe pas kësaj dikush do të vazhdojë të thotë se nuk ka politikë të dyfishtë” ka thënë Daçiq për agjencinë serbe të lajmeve, shkruan Periskopi.
Kryeministri i Republikës së Shqipërisë, Edi Rama, gjatë fjalës së tij në seancën solemne të organizuar për nder të dhjetëvjetorit të Pavarësisë së Kosovës, ka thënë se Shqipëria dhe Kosova mund të kenë një president të përbashkët të unitetit, gjë që ka ngjallur reagime të shumta./Periskopi/
