4 orë më parëZbulohet plagjiatura e ministres shqiptare, doktoratura copy-paste e vjedhur në Afrikën e Jugut
Periskopi(8 vite më parë)
(8 vite më parë)Një tjetër plagjiaturë e shëmtuar, e tipit copy- paste është zbuluar këtë të hënë dhe kësaj here është e një Ministre të qeverisë Rama. Fjala është për Ministren e Shëndetësisë dhe Mbrojtjes Sociale Ogerta Manastirliu, e cila nuk është mjaftuar me vjedhjen e doktoraturës, por e ka marrë atë “copy paste” nga një doktorante e […]
Fjala është për Ministren e Shëndetësisë dhe Mbrojtjes Sociale Ogerta Manastirliu, e cila nuk është mjaftuar me vjedhjen e doktoraturës, por e ka marrë atë “copy paste” nga një doktorante e vitit 2008, në Afrikën e Jugut.
Fotot e plagjiaturës janë bërë publike nga Lëvizja për Universitetin dhe tregojnë fare mirë sesi punimi i doktoraturës së Ogerta Manastirliut është vjedhur dhe modifikuar në vetëm detaje të vogla. Ministrja madje as fotot e punimit nuk i ka ndërruar, por është mjaftuar t’i shqiptojë.
Tema e doktoraturës ka të bëjë me landfillin e Sharrës në punimin e Ministres së Shëndetësisë, ndërsa në atë të zonjës Fannie Mnisi flitet për një tjetër landfill që ndodhet në kontinentin e largët me Shqipërinë tonë.
Për më tepër shikoni fotot e publikuara nga Lëvizja për Universitetin, ku duket qartë që Ministrja është mjaftuar me ndryshimin e emrit të landfillit.
Kujtojmë se kjo nuk është hera e parë që një plagjiaturë e zyrtarëve më të lartë të vendit del në shesh në mënyrën më të shëmtuar, me një kopjim të rëmdomtë “copy paste”. Disa javë më parë Taulant Muka do të publikonte plagjiaturën e zv.Ministrit të Arsimit Ervin Demos, përfshi dhe një punim të përbashkët të tij me deputeten e PS-së Blerina Gjylameti. Do të kalonin disa ditë dhe Ervin Demo do të jepte dorëheqjen, kurse Blerina Gjylameti ende nuk është prononcuar për plagjiaturën, gjithashtu e tipit të rëndomtë “copy paste”.
https://www.facebook.com/PerUniversitetin/posts/1940803209290987
