Veseli takon ambasadorin e ri amerikan, Kosnett: Kosova do të ecë përkrah Amerikës në çdo hap

Kryeparlamentari Kadri Veseli ka takuar ambasadorin e ri amerikan në Kosovë, Philip S.Kosnett.

Veseli shkruan se me Kosnett, kanë diskutuar për sfidat me të cilat po kalon Kosova.

Ai shkruan në Facebook:

Sot pata kënaqësinë t’i dëshiroj mirëseardhje Ambasadorit të ri të SHBA-ve në Kosovë, Philip S. Kosnett. Aleanca me Shtetet e Bashkuara të Amerikës është e shenjtë për popullin dhe institucionet e Kosovës. Me Ambasadorin Kosnett, i cili është një diplomat me eksperiencë të madhe dhe që ka kontribuar për vendin tonë edhe më herët, biseduam për sfidat nëpër të cilat po kalon Kosova, por edhe reformat që kemi ndërmarrë si shtet. Kosova do të ecë përkrah me SHBA-të në çdo hap.