Trump’i i vetmi lider në G20 që nuk nënshkroi kundër ndryshimeve klimatike

Në përfundim të konferencës së Buenos Aires, drejtuesit e forumit që përbëhet nga 19 vende si dhe nga Bashkimi Evropian ranë dakord të rregullojnë sistemin e tregtisë botërore – por vetëm 19 prej tyre ranë dakord të mbështesin marrëveshjen e Parisit në luftën kundër ndryshimeve klimatike.

Deklarata thotë se 19 shtetet anëtare përsëritën angazhimin e tyre ndaj marrëveshjes së klimës së Parisit, përveç SHBA-së e cila përsëriti vendimin e saj për t’u tërhequr.

Marrëveshja jo-detyruese u arrit pas bisedimeve të vështira gjatë gjithë natës nga diplomatët. Trump vazhdon të mbetet skeptik i ndryshimeve klimatike, transmeton Periskopi.

Në një intervistë të marten për The Ëashington Post, Presidenti Trump tha se dyshonte në konsensusin shkencor se planeti po bëhet më i ngrohtë për shkak të ndotësve të bërë nga njeriu që po lëshohen në ajër.

“Një nga problemet që shumë njerëz si unë, kemi nivele shumë të larta të inteligjencës, por ne nuk jemi domosdoshmërisht besimtarë të tillë”, tha Trump.

Kur u pyet nëse ndryshimi i klimës është shkaktuar nga njerëzit, Trump tha: “Sa për atë nëse është bërë nga njeriu dhe nëse janë apo jo efektet për të cilat po flisni që janë aty, nuk e shoh, nuk është aspak sikurse duket ‘.

Javën e kaluar, Qeveria federale lëshoi ​​një raport të gjerë me gjetjet se ndryshimi i klimës do t’i kushtojë ekonomisë amerikane me qindra miliarda dollarë deri në fund të shekullit, duke dëmtuar çdo gjë, nga shëndeti i njeriut,  infrastruktura dhe prodhimet bujqësore.

Megjithatë, Trump të hënën tha se nuk beson në gjetjet e arritura nga administrata e tij.

“Nuk besoj,” u tha ai gazetarëve në Shtëpinë e Bardhë para se të nisej për tubime në Misisipi./Periskopi/