Thaçi: Trump na tregoi qartë se humbja e shansit për marrëveshje është kthim tragjik prapa

Presidenti i Kosovës, Hashim Thaçi në fjalën e tij të fundvitit në Kuvend, ka folur për kronologjinë e ngjarjeve të vitit që po lëmë pas, me theks të veçantë për dialogun me Serbinë.

Ja disa nga deklaratat e Thaçit:

“Me Serbinë kemi një shekull armiqësi. Shteti i Serbisë ka vrarë rreth 13 mijë civilë në Kosovë. Janë dhunuar rreth 20 mijë gra në Kosovë. Me mijëra të zhdukur që ende nuk dihet për fatin e tyre dhe për fat të keq ende askush nga shteit i Serbisë dhe ai aparat agresiv nuk është ndëshkuar.

Por është koha të shikojmë kah e ardhmja, të bëjmë paqen me Serbinë, që të mos ketë më kurrë luftë, masakra dhe përjetime që kemi pasur në të kaluarën.

Prandaj, mirëpres themelimin e ekipit negociator dhe fillimin e punës për arritjen e marrëveshjes me Serbinë.

Ky ekip ka obligimet e veta dhe do ta ketë përkrahjen time të plotë.

Marrëveshja me Serbinë duhet të jetë përfundimtare, e arritur me ndërmjetësimin e BE’së dhe mbështetjen e plotë të SHBA’së.

Do t’i sjell Kosovës njohjë nga Serbia dhe anëtarëism në OKB.

Dy letrat e arritura në zyrën time këtë muaj, tregon se jemi në rrugë të drejtë.

Letra e Macronit lavdëron Kosovën për paqe dhe stabilitet. Edh emë e rëndësishme është letra e presidentit Trump, shtetit më të fuqishëm në botë dhe shtetit mik tokë.

I jemi mirënjohës, që në letrën e tij, presidenti Trump e dallon Kosovën si partner të paqes.

Thotë: nxis ju dhe liderët e Kosovës ta shfrytëzoni këtë moment unik që të flisni me zë të vetëm gjatë procesit negociator.

Kemi pra mbështetjen e shtetit më të fuqishëm në botë, porn a duhet që zotërimin tonë ta shndërrojmë në veprim.

Të humbim këtë rast, sic tha edhe Presidenti Trump, do të ishte kthim tragjik prapa”