Thaçi: Me Serbinë na ndan një lum me gjak, çdo pëllëmbë e Kosovës është e prekur me gjakë

Presidenti i Kosovës, Hashim Thaçi, duke foluar në lidhje me zgjidhjen përfundimtare të problemeve me Serbinë, ka thënë se në fillim të vitit të ardhshëm Kosovën e prejt një proces dinamik.

Thaçi ka thënë se Kosovën me Serbinë e ndan një lum me gjak, ku sipas tij në lumenjtë tonë duhet shumë ujë për të pushuar gjakrat kosovare – serbe, shkruan gazetametro.net.
“Me Serbinë na ndan një lum me gjak, duhen shumë ujë nëpër lumenjët tonë që të pushojnë gjakrat kosovare –serbe, çdo pëllëmbë e Kosovës është e prekur me gjakun e të vrarëve për Kosovën” tha Thaçi.

Thaçi ka porositur Limajn e Ahmetin se në bisedimet me Serbinë nuk do ti presin punime seminarike, por tema dhe vendime të mëdha në lidhje me çështjen e Kosovës, shkruan gazetametro.net.

Tani sipas presidentit askush nuk mund të ankohet se dialogu me Serbinë ka legjitimitet apo nuk ka legjitimitet, pasi tani Kosova ka ekipin e saj.

“Unë edhe sot kam biseduar në lidhje procesin që kemi me Serbinë, duke përfshirë edhe kryetarin e Kuvendit Kadri Veseli dhe përfaqësuesit e tjerë të shtetit, nuk do të ketë kushtëzim nga ana e Serbisë për dialogun, procesi do të fillojë dhe do të kemi një proces dinamik, Kosova ka ekipin i cili do të merrë vendimi, nuk janë punime seminarike atje, janë tema vendimmarrje atje, andaj sot askush nuk mund të ankohet se ka legjitimitet apo nuk ka legjitimitet”, tha Thaçi./Periskopi