Thaçi: Do ta respektojmë letrën e Presidentit Trump, do të arrijmë marrëveshje me Serbinë

Siç edhe ka ndodhur muajve të fundit, Thaçi është koncentruar që fjalimi i tij të jetë i fokusuar në dialogun dhe arritjen e një marrëveshjeje përfundimtare me Serbinë. Kosova, tha Presidenti, do ta respektoj letrën e presidentit Donald Trump.

Thaçi, ka thënë se Kosova është gati për një marrëveshje me Serbinë, dhe për këtë thotë se është arritur pajtim ndërmjet anëtarëve të ekipit negociator dhe tij.

Ai tha se ekipi negociator ka përkrahjen e tij të plotë.

“Tani është ekipi negociator i votuar në Kuvendin e Kosovës, ka legjitimitet. Ky ekip negociator do ta ketë përkrahjen time të plotë. Edhe sot në takim me ambasadorët e QUINT-it, kemi theksuar pa dallim, në mënyrë unike, që Kosova është gati për dialog, që Kosova është e përkushtuar për të arritur një marrëveshje finale dhe se Kosova është e përkushtuar për ta respektuar letrën e presidentit amerikan Donald Trump”, tha ai.

Me arritjen e marrëveshjes përfundimtare, Thaçi tha se Serbia e njeh Kosovës, Rezoluta 1244 do të shfuqizohet dhe Kosova anëtarësohet në OKB. /Periskopi/