2 orë më parëRadikalizohen mjekët: Nuk do të punojmë as në urgjencë
Periskopi(7 vite më parë)
(7 vite më parë)Mjekët kanë paralajmëruar të mërkurën që do t’i radikalizojnë veprimet e tyre nëse qeveria nuk miratohet një ligj me të cilin atyre do t’u rriteshin pagat. Xhemail Selmani nga Federata Sindikale e Shëndetësisë e Kosovës (FSShK) thotë se ka kërkesa për radikalizim të skajshëm të protestës nëse nuk realizohen kërkesat e mjekëve për rritje të […]
Xhemail Selmani nga Federata Sindikale e Shëndetësisë e Kosovës (FSShK) thotë se ka kërkesa për radikalizim të skajshëm të protestës nëse nuk realizohen kërkesat e mjekëve për rritje të pagave.
“Kemi kërkesa për radikalizim të skajshëm. Ne si institucion, FSShK, jemi të obliguar që të mundohemi të jemi institucionalistë dhe të veprojmë brenda kornizës ligjore. Kërkesat për masa radikale mund të vijnë edhe në një moment që do i përfillim. Masat radikale janë protesta në rrugë, mosdhënie e shërbimit edhe në urgjencë edhe kur është nevojë madhore aty ku problemet janë të jesh apo të mos jesh, kështu që nëse nuk ndërmarrin diçka këta që janë përgjegjës për shtetin tonë realisht problemet të mëdha do të kemi edhe ne edhe shteti”, tha ai.
Ai tha se greva e sotme ka filluar qysh në orën shtatë të mëngjesit.
Sipas Selmanit, greva po zhvillohet në tri nivelet, primar, sekondar dhe terciar.
“Vazhdon me punu qendra emergjente në secilin nivel për ata që kanë nevoja urgjente, ndërsa për ata që kanë nevoja ambulantore atyre nuk u jepet shërbimi”, tha ai.
Selmani tha se disponimi i pacientëve është i keq por, sipas tij, është bërë mjaftueshëm që të informohen qytetarët që shërbimet ambulantore nuk ofrohen sot./kallxo.com
