3 orë më parë“PS s’do të vjedhë në mënyrë aq të qartë si PD” – thoshte ministri i ri i Edi Ramës
Periskopi(7 vite më parë)
(7 vite më parë)Të shumtë mund të jenë emrat e rinj dhe “apolitik” që Rama vendosi t’i japë këtë të premte postin e ministrit, por disa prej tyre shqiptarët i njohin më së miri. Njëri prej të njohurve është pikërisht kreu i komisionit parlamentar të veprimtarive prodhuese, i cili duke nisur nga sot e më tutje do të […]
Të shumtë mund të jenë emrat e rinj dhe “apolitik” që Rama vendosi t’i japë këtë të premte postin e ministrit, por disa prej tyre shqiptarët i njohin më së miri.
Njëri prej të njohurve është pikërisht kreu i komisionit parlamentar të veprimtarive prodhuese, i cili duke nisur nga sot e më tutje do të mbajë postin e Ministrit për Sipërmarrjen.
Fjala është për Eduard Shalsin, ministri i cili do të zëvendësojë Sonila Qaton në institucionin qeveritar që kujdeset për relatat me biznesin.
Por kush mund ta harrojë gafën e madhe që Shalsi ka bërë në media pak vite më parë, teksa zgjedhjet e 2013 ende nuk kishin ardhur?!
Në atë kohë në një intervistë për gazetarin Sokol Balla në Top Story, Eduard Shalsi do të shprehej se ata (PS), nuk do të vjedhin në mënyrë kaq flagrante sa këta (PD, asaj kohe në pushtet).
Gafa e Shalsit në atë intervistë shkaktoi hilaritet të madh në sallë, pasi menjëherë gazetari Balla e pyeti retorikisht se nëse ata “do të vidhnin më mirë”… gafa e pyetja janë bërë në vitin 2013, por sot pas thuajse 6 vitesh qeverisje, a e mbajti “premtimin” Eduard Shalsi?!
