“Pazari është prerë”: Nexhmedin Spahiu thotë që klasa politike luante koqe për 20 vjet

Publicisti nga Mitrovica me emrin Nexhmedin Spahiu ka bërë një postim në profilin e tij në Facebook në lidhje me dialogun mes Kosovës dhe Serbisë, shkruan Periskopi.

Ai thotë që tashmë “pazari është prerë” mes Fuqive të Mëdha, siç i quan ai shtetet më të mëdha botërore.

Spahiu e nënkupton si të kotë ekipin negociator të kryesuar nga Shpend Ahmeti dhe Fatmir Limaj.

Ky është shkrimi i tij i plotë:

20 vite kishim kohë me dialogu me Beogradin për t’ia marrë njohjen me ndonjë pazar të favorshëm, por gjatë kësaj kohe, klasa jonë politike luante k..e. Tash kur si rezultat i gjithë kësaj kohe të humbur na e kanë prerë pazarin Fuqitë e Mëdha, kishe po formojmë ekipe për dialog me Beogradin?!!! Nuk mahet çurani natën e Bajramit.