Papa Françesko: Bëni jetë sa më të thjeshtë

Ai dënoi ndarjen e madhe mes të pasurve dhe të varfërve në botë, duke thënë se lindja e Jezusit në varfëri duhet t’i bëjë të gjithë të reflektojnë mbi kuptimin e jetës, transmeton KosovaPress.Këto thirrje Papa i bëri gjatë shërbimit në Bazilikën e Shën Pjetrit në Vatikan për meshën tradicionale të Krishtlindjes.

Në predikimin e tij, Papa Françesku tha se lindja e Krishtit vuri në dukje një mënyrë të re për të jetuar “jo duke ngrënë dhe grumbulluar, por duke ndarë dhe dhënë”. “Le të pyesim veten: A nevojiten me të vërtetë të gjitha këto objekte materiale dhe receta të komplikuara për të jetuar? A mund të menaxhojmë pa të gjitha këto gjëra të panevojshme dhe të jetojmë një jetë me thjeshtësi më të madhe?

“Për shumë njerëz, kuptimi i jetës gjendet në posedimin, në pasurinë e tepërt e të materiales. Lakmia e pangopur shënon të gjithë historinë njerëzore, madje edhe sot, kur, paradoksalisht, disa ushqehen më llojllojshmëri ushqimesh, derisa ka të tjerë që nuk mund të ushqehen as për mbijetesë’, tha Papa Françesku. Kjo është Krishtlindja e gjashtë e 82-vjeçarit si kreu i Kishës Katolike Romake.