Nuk ndalet Qeveria, vendos taksë të re ndaj produkteve serbe

Qeveria e Kosovës nuk po zbrapset sa i përket sanksioneve që po i merr për shtetin serb. Në mbledhjen që po mbahet tash në rend dite është futur për votim edhe një masë e re

Në mbledhjen që kryeministri Ramush Haradinaj po mban me ministrat po pritet qe të merret vendim për ndalimin e brendeve ndërkombëtare që hyjnë në Kosovë nga Serbia.

Tashmë kjo pikë është vënë në rend të ditës për diskutim. Konkretisht, raportohet se ministri Endrit Shala, ka propozuar që të ndalohet coca cola që vie nga tregu i Serbisë.

Kujtojmë që Qeveria e Kosovës fillimisht i pati vënë taksë prej 10% të gjitha produkteve serbe e boshnjake. E njëjta më vonë u rrit 100 për qind e mori reagime të shumta.

I pari i ekzekutivit u deklarua se taksa do të hiqet vetëm atëherë kur shteti serb do të njohë Kosovën.