6 orë më parëMushkolaj: Keni marrë vota me ‘Jo negociata, Vetëvendosje’, tash keni ndërru qëndrim. Konjufca: Kadal o burrë
Periskopi(7 vite më parë)
(7 vite më parë)Analisti Imer Mushkolaj ka kritikuar rëndë shefin e Grupit Parlamentar të Vetëvendosjes, Glauk Konjufcës, të cilit i tha se partia e tij ka ndryshuar qëndrimin sa i përket dialogut me Serbinë – raporton Periskopi. Në Debat Plus, Mushkolaj i ka thënë Konjufcës se dikur në fuqi ka qenë “Jo negociata, Vetëvendosje”, gjë që nuk vlen […]
Në Debat Plus, Mushkolaj i ka thënë Konjufcës se dikur në fuqi ka qenë “Jo negociata, Vetëvendosje”, gjë që nuk vlen sot sipas tij.
“Kjo ka qenë gjithmonë. Jo negociata, vetëvendosje për komunat, jo negociata, po vetëvendosje për pavarësinë. Jo negociata që problematizojnë çështjet e brendshme të Kosovës”, tha Konjufca.
“Ju keni thënë jo negociata me Serbinë, po Vetëvendosje. S’mundesh me thanë që jemi jo negociata, Vetëvendosje edhe me thanë që jemi për negociata, por me qenë të kushtëzume. Ose je për negociata, ose s’je për negociata”, iu përgjigj atij Mushkolaj.
E menjëherë i reagoi Konjufca.
“Gabim e ke në koncept. Për çka janë negociatat o Imer. VV është pro një dialogu të riformatuar”, shtoi ai.
“Ju keni thënë jo negociata me Serbinë, edhe keni marrë vota për këtë”, iu përgjigj sërish Ymeri.
“O burrë kadal. Duhet me u taku me Serbinë për me zgjidh një problem. Mua nuk po më duket ndërrim qëndrimesh. Vetëvendosje refuzon ftesa ku diskutohet për pavarësi e për komuna të Kosovës. Çështjet e brendshme të Kosovës s’bën të diskutohen. Kur është sikur me thanë që VV është kundër privatizimit, veç pse ka kundërshtuar privatizimet që janë ba me korrupsion. Jemi kundër negociatave me Serbinë veç nëse ato problematizojnë ndonjë çështje të brendshme të Kosovës”, shtoi Konjufca./PERISKOPI
