8 orë më parëMolliqaj i reagon Hotit: LDK vazhdimisht i është nënshtruar PDK-së
Periskopi(8 vite më parë)
(8 vite më parë)Dardan Molliqaj i PSD-së i ka reaguar shefit të Grupit Parlamentar të LDK-së, Avdullah Hoti, i cili ka thënë se deputetët e PSD-së duhet t’i riverifikojnë mandatet, duke shkuar në zgjedhje. Molliqaj ka thënë se Avdullah Hoti duhet ta marrë përgjegjësinë që i takona tij dhe partisë e tij për ta mbrojtur Kosovën, dhe jo […]
Molliqaj ka thënë se Avdullah Hoti duhet ta marrë përgjegjësinë që i takona tij dhe partisë e tij për ta mbrojtur Kosovën, dhe jo të merret me PSD-në, shkruan Periskopi.
Molliqaj i ka kujtuar Hotit për nënshtrimet e disaherta që LDK i ka bërë në raport PDK-në:
Reagimi i plotë:
Në vend se Avdullah Hoti dhe partia të cilës i takon të marrin përgjegjësinë që iu takon në mbrojtjen e vendit, tash kur Kosova po rrezikohet nga negociatat pa platformë, ai paska zgjedhur të merret me PSD-në.
Avdullah, për dallim prej juve, ne si PSD do të angazhohemi vazhdimisht që ta ndalim Thaçin t’i vazhdoj negociatat për vendin tonë krye në vete e pa platformë.
Ju vazhdimisht i jeni nënshtruar PDK-së. E keni zgjedhur Thaçin president e Veselin kryetar të Kuvendit. Andaj, të lus shumë si koleg që të kam, leje anash hipokrizinë.
Në këto momente, Kosovës i duhet më pak hipokrizi e më shumë konstruktivitet. I duhet bashkim i të gjitha partive opozitare, në mënyrë që të jemi më të fuqishëm përballë Serbisë në këto negociata vendimtare për të ardhmen e vendit. /Periskopi/
