6 orë më parëLluka: Në vitin 2019 ndërtohet termocentrali i ri
Periskopi(7 vite më parë)
(7 vite më parë)Pas një dekade të tërë zvarritje gurthemeli i termocentralit “Kosova e Re” mund të vendoset në prill të vitit të ardhshëm nëse sigurohet financimi dhe projekti merr dy të tretat e votave në Kuvendin e Kosovës si garanci shtetërore. Kaq optimist u shpreh ministri i Zhvillimit Ekonomik, Valdrin Lluka Ministri i Zhvillimit Ekonomik, Valdrin Lluka, […]
Pas një dekade të tërë zvarritje gurthemeli i termocentralit “Kosova e Re” mund të vendoset në prill të vitit të ardhshëm nëse sigurohet financimi dhe projekti merr dy të tretat e votave në Kuvendin e Kosovës si garanci shtetërore. Kaq optimist u shpreh ministri i Zhvillimit Ekonomik, Valdrin Lluka
Ministri i Zhvillimit Ekonomik, Valdrin Lluka, gjatë një interviste për gazetën “Zëri” nuk e përjashtoi mundësinë e dështimit të projektit për ndërtimin e termocentralit të ri “Kosova e Re”. Sipas tij, një gjë e tillë mund të ndodhë në rast se nuk sigurohet financimi dhe i njëjti nuk merr pëlqimin në Kuvendin e Kosovës. Situatë të vështirë e quan ai tërheqjen e Bankës Botërore (BB) nga financimi.
Megjithatë, sipas Llukës, kjo nuk e ka penguar projektin pasi janë paraqitur kompani të huaja si Agjencia Amerikane për Financimin e Projekteve Jashtë Amerikës bashkë me Bankën Ndërkombëtare Japoneze. “Besoj në muajin mars të dyja këto organizata në bordet e tyre do ta votojnë pakon financiare. Nëse çdo gjë shkon mirë në muajin prill duhet të vijnë në Kuvendin e Kosovës për ta votuar me dy të tretat të votave garancinë shtetërore lidhur me këtë projekt. Dhe nëse në Parlamentin e Kosovës ec pa problem besoj se në muajin prill ose maj mund të vendoset edhe gurthemeli për këtë termocentral”, është shprehur ministri .
