3 orë më parëLajme nga Brukseli: Vizat u bllokuan nga Franca, Gjermania dhe Holanda
Periskopi(7 vite më parë)
(7 vite më parë)Analisti kosovar, Agon Maliqi gjatë qëndrimit të tij në Bruksel ka zhvilluar disa takime me anëtarë të Komisionit dhe Parlamentit Europian. Ai nga atje ka bërë të ditura arsyet e dështimit të vizave për kosovarët, transmeton gazetametro.net. Siç ka shkruar Maliqi në Fb, vizat i kanë bllokuar disa shtete anëtare dhe kjo nuk ka të […]
Analisti kosovar, Agon Maliqi gjatë qëndrimit të tij në Bruksel ka zhvilluar disa takime me anëtarë të Komisionit dhe Parlamentit Europian. Ai nga atje ka bërë të ditura arsyet e dështimit të vizave për kosovarët, transmeton gazetametro.net.
Siç ka shkruar Maliqi në Fb, vizat i kanë bllokuar disa shtete anëtare dhe kjo nuk ka të bëjë me kritere të cilat të gjithë janë të vetëdijshëm se Kosova i ka përmbushur.
Ndër këto shtete, Maliqi shkruan se Franca ka qenë më e zëshmja, por me rezerva kanë qenë edhe Gjermania e Holanda.
‘Kur të mëdhatë kundërshtojnë të tjerat as nuk e kanë parë të arsyeshme të mundohen. Po thuhet se ky nuk është detyrimisht hap vetëm kundër Kosovës por pjesë e trendit refuzues të këtyre shteteve për Ballkanin që u tregua edhe me moshapjen e negociatave për anëtarësim me Shqipërinë dhe Maqedoninë,’ ka thënë Maliqi.
Postimi i plotë pa ndërhyrje:
Vizat i kanë bllokuar disa shtete anëtare dhe kjo nuk ka të bëjë me kritere të cilat të gjithë janë të vetëdijshëm se Kosova i ka përmbushur.
Ndër këto shtete Franca ka qenë më e zëshmja, por me rezerva kanë qenë edhe Gjermania e Holanda. Kur të mëdhatë kundërshtojnë të tjerat as nuk e kanë parë të arsyeshme të mundohen. Po thuhet se ky nuk është detyrimisht hap vetëm kundër Kosovës por pjesë e trendit refuzues të këtyre shteteve për Ballkanin që u tregua edhe me moshapjen e negociatave për anëtarësim me Shqipërinë dhe Maqedoninë.
Neve thjesht na rrëzuan në këtë hap sepse në këtë fazë të integrimit e kemi lënë veten dhe ndërkohë migrimi është bërë shqetësimi nr.1 në Europë. Personalisht jam i bindur se mungesa e vullnetit për ta shtyrë këtë punë për një vend prej 1.8 milionë njerëzish ka edhe elemente të forta të racizmit (të paktën te liderët po reflektohet frika nga ksenofobia e votuesve në BE). Shpresa e fundit ishte që çështja të hidhej në votim në dhjetor gjatë muajit të fundit të Presidencës Austriake në Këshill. Komisioneri Hahn nuk e ka venimin në dorë por si austriak mund të ndikonte që të hidhej në votë në Këshill.
