2 orë më parëKonjufca: BE na tha qartë, nuk ua japim liberalizimin me këtë Qeveri
Periskopi(7 vite më parë)
(7 vite më parë)Shefi i Grupit Parlamentar i Lëvizjes Vetëvendosje, Glauk Konjufca, gjatë debatit parlamentar për dështimin e Kosovës në garantimin e liberalizimit të vizave, ka thënë se zyrtarët e Bashkimit Evropian e kanë thënë shumë artë që nuk duan të i japin Kosovës liberalizimin e vizave për shkak të Qeverisë. “Qaq mizerje është ky pushtet saqë zyrtarët […]
Shefi i Grupit Parlamentar i Lëvizjes Vetëvendosje, Glauk Konjufca, gjatë debatit parlamentar për dështimin e Kosovës në garantimin e liberalizimit të vizave, ka thënë se zyrtarët e Bashkimit Evropian e kanë thënë shumë artë që nuk duan të i japin Kosovës liberalizimin e vizave për shkak të Qeverisë.
“Qaq mizerje është ky pushtet saqë zyrtarët e BE-së thonë kështu, Kosova i ka plotësuar kushtet po edhe pse i ka plotësu kushtet na liberalizimin nuk ua japim. Kjo është si me ta vizituar me laps që ndërrojeni Qeverinë”, ka thënë Konjufca.
Ai po ashtu ka kujtuar që ish-kryeministri i Kosovës, Hashim Thaçi, kishte thënë që liberalizimi do të ndodh në vitin 2009, ende pa ardhur Udhërrëfyesi për liberalizimin që pati ardhur për Kosovën tek në vitin 2012.
Sipas tij të gjitha qeveritë me rend, që atëherë, kanë dhënë të njëjtën gënjeshtër qytetarëve të Kosovës.
“Prej atëherë kur është bërë ky premtim i kryeministrit të atëhershëm kanë kaluar tri Qeveri deri më tani dhe komisionari Hahn për zgjerim na tha që nuk ka liberalizimin e vizave nuk do të mund të ndodh deri në vititn 2020. Merreni me mend premtimi për vizat na ka ardh ende pa ardh udhërrëfyesi për liberalizimin e vizave. Udhërrëfyesi pati ardh në vitin 2012, dhe po më kujtohet se patëm debate në këtë Kuvend kur ka ardh udhërrëfyesi se cilat janë kriteret që duhet me i plotësuar Kosova për me ndodh liberalizimi i vizave”, ka thënë Konjufca.
Ai ka kujtuar po ashtu se edhe kryeministri aktual, Ramush Haradinaj, kishte thënë se pas votimit të demarkacionit me Malin e Zi, brenda tre muajve do të ndodh liberalizimi.
“Tash demarkacioni me Malin e Zi kaloi vitin e kaluar, komisionari Hahn tha nuk do të kemi deri në 2020 liberalizimin e vizave e kjo tregon jo seriozitetin e kësaj Qeverie dhe këtyre politikanëve. Koalicioni PAN qeverinë e kanë rrëzuar që këtë s’po dinë me marrë vendime për liberalizimin e vizave e nuk po dinë me marrë vendime të mëdha. Fjala kur e thu aq më tepër që kjo e mundon shumë qytetarët e Kosovës, gjithë politikanët duhet me dalë përpara Kosovës e me tregu pse i kanë mashtruar qytetarët”, ka thënë ai duke kërkuar zgjedhje të reja dhe Qeveri të re.
