Kadri Veseli i rekomandon presidentit Thaçi ta bëj “Hero të Kosovës” kryengritësin antiosman

Kryeparlamentari Kadri Veseli ka kujtuar në datën e rënies, Ahmet Delinë, një ndër figurat më të ndritura të historisë kombëtare, udhëheqësin e kryengritjeve antiosmane, nismëtar i kryengritjes së përgjithshme shqiptare në vitin 1912.

Përmes një postimi në Facebook ai ka shkruar se Delia duhet të dekorohet me titullin “Hero i Kosovës” dhe ka rekomanduar presidentin Hashim Thaçi që ta bëjë një gjë të tillë, transmeton Koha.net.

“Përkujtojmë trimin legjendar të Prekazit, Ahmet Delinë. Rënia e tij epike në mbrojtje të popullatës civile të sulmuar nga njësitet ushtarake serbe, në memorien tonë kolektive mbeti shembull unik i sakrificës për atdheun. I rekomandoj presidentit Thaçi që Ahmet Delinë ta dekorojë me titullin ‘Hero i Kosovës’. Ne sot jemi të lirë falë sakrificave mbinjerëzore të së kaluarës”, ka shkruar Veseli,