Hyn në fuqi ligji “Salvini”, nuk pritet mirë nga komuniteti shqiptar në Itali

“Nga fjalë në vepra”, është komenti i ministrit të Brendshëm, i cili shprehet i kënaqur që kreu i shtetit ka firmoasur këtë normativë të re ligjore.

Ligji ‘Salvini’ vendos heqjen e së drejtës së azilit në Itali për motive humanitare, e lejon dhënia e një leje qëndrimi të veçantë vetëm për azilkërkuesit që janë viktimë të dhunës në familje, viktima të shfrytëzimit në punë, që kanë nevojë urgjente për kura mjekësore, apo që vijnë nga vende të përfshira përkohësisht nga një fatkeqësi natyrore.

Parashikohet heqja e statusit të refugjatit për të gjitha ata emigrantë që kryejnë vepra penale si dhunë sesksuale, prodhim e trafik droge, grabitje e dhunim të pronës private, rezistencë e dhunë ndaj forcave të rendit, si dhe pezullimi i kërkesë për azil për të gjithë ata emigrantë të dënuar në shkallë të parë nga sistemi i drejtësisë italiane.

Por Ligji ‘Salvini’ parashikon dhe ndryshime të rëndësishme në procedurën e marrjes së nënështetesisë italiane, duke mos u pritur mirë nga komunitetet historike të emigrantëve në Itali si komuniteti i shqiptarëve, marokenëve, peruanët, tunizianët etj.

Me ligjin e ri afati i kohëzgjatjes së procedurës së pranimit të kërkesës së nënshtetësisë italiane nuk është më 24 muaj siç parashikohej në ligjin e mëprashëm, por bëhet 48 muaj.

I njëjti afat kohor, 4 vjet do të aplikohet dhe për çdo qytetar të huaj që martohet me një shtetas italian e që kërkon të marrin nënshtesisën italiane.

Dekreti Salvini ka rritur gjithashtu dhe shumën e pagesës së detyruar ndaj shtetit italian për prezantimin e kërkesës për nënshtetësi italiane. Nga 200 euro në 250 euro si dhe parashikon heqjen e nënështetësisë italiane për të gjitha ata emigrantë që janë dënuar në shkallën të parë nga drejtësia italiane.