5 orë më parëHoti dhe Muhaxheri nënshkruajnë marrëveshje për të rinjtë e Pejës
Periskopi(8 vite më parë)
(8 vite më parë)Koordinatori Nacional për Kulturë, Rini dhe Sport, Rexhep Hoti, ka nënshkruar një marrëveshje bashkëpunimi me kryetarin e Pejës, Gazmend Muhaxherin për implementimin e Programit Nacional për Rininë për të gjithë nxënësit dhe studentët e kësaj komune. “Programi Nacional për Rininë është hartuar për secilin nxënës të secilës shkollës, duke filluar nga niveli fillor, i mesëm […]
“Programi Nacional për Rininë është hartuar për secilin nxënës të secilës shkollës, duke filluar nga niveli fillor, i mesëm i ulët dhe niveli i mesëm i lartë. Ky program parasheh përfshirjen e të gjithë nxënësve dhe studentëve në garë dhe pres që të gjithë ata të përfitojnë nga ky program”, ka thënë Hoti.
Ndërsa, Muhaxheri theksoi se do ta mbështesë Programin Nacional për Rininë sepse do t’i ndihmojë Pejës veçanërisht në sport.
“Përmes këtij programi ne do ta finalizojmë projektin e futjes së sportit nëpër shkolla. Ne kemi ndërtuar shtegun e atletikës që në raport me programin do të mundësojë zhvillimin e garave në atletikë”, tha ai.
Në këtë takim mori pjesë edhe zëvendësministri i Arsimit, Azem Guri, i cili tha se kjo ministri e mbështet fuqishëm këtë program.
Qëllimi i këtij bashkëpunimi është asistimi i ndërsjellë për implementimin e Programit Nacional për Rininë si dhe aranzhimin e përbashkët të aktiviteteve që kanë për synim promovimin e diturisë, kreativitetit kulturor dhe mendimit kritik si dhe sportit.
