6 orë më parëHaradinaj vizitë në Polici pas vrasjes në Istog: Nuk do ta lejojmë që kriminelët t’i bëjnë ligjet në Kosovë
Periskopi(7 vite më parë)
(7 vite më parë)Kryeministri i Kosovës, Ramush Haradinaj mëngjesin e sotëm ka vizituar Drejtorinë e Përgjithshme të Policisë pas rastit të rëndë që ndodhi mbrëmë në Istog, ku u vra zyrtari policor Izet Demaj nga plaçkitësi Kamer Metaj – raporton Periskopi. Haradinaj ka thënë se dita e djeshme ka qenë shumë e ndijshme, dhe se bilanci i viktimave […]
Haradinaj ka thënë se dita e djeshme ka qenë shumë e ndijshme, dhe se bilanci i viktimave ka mundur të jetë shumë më i lartë.
Ai ka shprehur dhimbje për vrasjen e zyrtarit policor, por ka thënë se policët duhet të jenë gjithherë në detyrë.
“Ka qenë një ditë e ndijshme, vrasje me armë të gjata e me sëpata në qendra të banime, jo nëpër skaje. Ka pas sulme e plaçkitje. Epilogu i kësaj ngjarje është një polic i vrarë në detyrë – një familjar, dhe një sulmues. Polici ka shti në mbrojtje të vetës dhe të rendit. E ka paguar me jetë”, ka thënë Haradinaj.
Tutje ai ka njoftuar se nesër do të mbahet ceremonia e varrimit të Izet Demajt, me ç’rast do të shpallet ditë zie nga presidenti.
Ai falënderoi drejtorin e Policisë së Kosovës, Reshat Qalajn për mënyrën se si e ka menaxhuar këtë rast.
“Kam ardh me ju shpreh ngushëllime. E falënderoj drejtorin për mënyrën se si e ka menaxhuar gjendjen dhe me i jap përkrahej policisë. Nuk kemi zgjidhje tjetër, përveç që mos me leju që kriminelet më ba ligjin në Kosovë. Policia ka përkrahjen tonë që kriminelët të mos e marrin ligjin në dorë. Dje kanë mujt me u vra edhe qytetarë të pafajshëm, andaj kemi shpëtuar lehtë. Është e dhimbshme, por mundësitë kanë qenë që me vdekë ma shumë njerëz. Do të marrim të gjitha veprimet për me përkrah Policinë. Jemi kritikuar pse po rrisim paga për policë, prokurorë e gjyqtarë. Nesër do të shpallet ditë zie. Do të jetë një ditë kthese, rënia e policit në detyrë”, ka thënë Haradinaj.
I pari i Qeverisë shtoi se në janar do të procedohen ligje tjera për Policinë.
“Ligjet kanë avancuar, do t’i procedojmë ligjet në janar. Policisë i kemi dhënë përkrahjen e nevojshme. Kjo përkrahje do të rritet. Do të jenë në nivel të detyrës. Qytetarët të mos vozisin nëse janë të dehur. Festën mos ta kthejmë në dhimbje. As policët nuk duhet të lëshojnë pe. Do t’i qëndrojmë pranë familjes. Dëgjova që ai person kish pas të kaluar kriminale”, përfundoi Haradinaj./PERISKOPI
