6 orë më parëFjalori Enciklopedik me përplot gabime, i kushtoi qytetarit të Kosovës gjysmë milionë euro
Periskopi(8 vite më parë)
(8 vite më parë)Afërsisht gjysmë milion euro i ka kushtuar Akademisë së Shkencave dhe Arteve të Kosovës finalizimi i projektit për Fjalorin Enciklopedik të Kosovës. Që nga viti 2012 e deri në botimin e tij, për përpilimin e këtij projekti janë angazhuar një armatë njerëzish të fushave dhe profileve të ndryshme. Gjatë afërisht shtatë vjetëve sa i është […]
Afërsisht gjysmë milion euro i ka kushtuar Akademisë së Shkencave dhe Arteve të Kosovës finalizimi i projektit për Fjalorin Enciklopedik të Kosovës.
Që nga viti 2012 e deri në botimin e tij, për përpilimin e këtij projekti janë angazhuar një armatë njerëzish të fushave dhe profileve të ndryshme.
Gjatë afërisht shtatë vjetëve sa i është dashur ASHAK për ta përmbyllur projektin e nisur në 2011, para të majme janë dhënë edhe për këshillin bashkërendues, bordin dhe redaksinë qendrore, të përbëra nga akademikë, anëtarë të ASHAK-ut.
Sipas pasqyrave financiare të ASHAK-ut, në përgjithësi fjalori ka kushtuar 479,143.85 euro, ndërsa paratë për këtë projekt janë marrë nga buxheti i ASHAK-ut për mallra dhe shërbime.
Vetëm për redaksinë qendrore të projektit për enciklopedinë janë paguar 85,786.50 euro, për bordin janë paguar 45,480. 00 euro, ndërsa për këshilli e enciklopedisë janë paguar 22,100.00 euro.
Për redaktorët e enciklopedisë janë paguar 59,065. 00 euro, ndërkaq anëtarët e redaksisë së fushave i kanë kushtuar ASHAK-ut 35 mijë euro.
Për hartuesit e zërave janë paguar 111,307. 40 euro, lekturimi 8,809.76 euro; dizajni 1,966.50 euro, kurse faqosja 427.50 euro.
