Fero shkon sërish në lokalin ku u rrah, ka një sqarim për të gjithë

Reperi Fero ishte përleshur fizikisht të premtën në një lokal në Mitrovicë, shkruan lajmi.net.

Pas incidentit, reperi përmes një video-live kishte reaguar ashpër duke thënë që nuk do të shkojë më në atë lokal, pasi dyshonte se në sulmin ndaj tij kishin dorë edhe dikush nga pronarët e atij lokali.

Por, në mbrëmjen e djeshme, ai bashkë me menaxherin e tij janë rikthyer pikërisht në lokalin ku ndodhi përleshja.

Menaxheri i tij përmes një video-live bashkë me Feron, sqaroi se reperi kishte reaguar nga nervoza, pasi pronarët e këtij lokali i ka miq shumë të mirë, andaj bashkë me të iu kërkuan falje për fjalorin që kishte përdorur reperi.

Për ndryshe, Lajmi.net kishte kontaktuar dje menaxherin e Feros, i cili kishte deklaruar se gjendja e tij është e mirë.

“Sa i përket incidentit të mbrëmshëm, asgjë nuk i ka ndodhë reperit tonë. Reperi ka një siguri të madhe ne vete gjithmonë dhe nuk lejohet me cenu sigurimin e tij askush”, ka thënë Met Elshani.