4 orë më parëÇfarë kishte thënë Veton Surroi për Qeverinë Haradinaj në janar të këtij viti?
Periskopi(7 vite më parë)
(7 vite më parë)Publicisti dhe shkrimtari, Veton Surroi mund të bëhet pjesë e ekipit negociator në bisedimet me Serbinë në Bruksel, si pjesë e shoqërisë civile, raporton Periskopi. Por, a ju kujtohet se çfarë kishte thënë ai para disa muajve për Qeverinë Haradinaj? Sipas tij, qeveria aktuale e vendit, e udhëhequr nga Ramush Haradinaj, duhet të largohet shumë […]
Por, a ju kujtohet se çfarë kishte thënë ai para disa muajve për Qeverinë Haradinaj?
Sipas tij, qeveria aktuale e vendit, e udhëhequr nga Ramush Haradinaj, duhet të largohet shumë shpejt.
Ish-kryetari i partisë së dikurshme Ora kishte thënë se Qeveria Haradinaj do të duhej të bjerë në pjesën e parë të këtij viti.
“Brenda gjashtë muajve do të ishte normale të binte kjo qeveri dhe të shkonim në zgjedhje të reja, ndoshta”, ishte shprehur Surroi, në RTV Dukagjini.
Surroi më herët kishte deklaruar po ashtu se Kosova ka parë më shumë skandale se kurrë më parë gjatë 100 ditëve të para të qeverisjes së vendit nga Haradinaj.
“Kjo Qeveri ka krijuar më shumë befasi, çdo ditë, sa që çdo befasi e ka lënë mënjanë befasinë e mëparme”, ka deklaruar ai.
“Përderisa një pjesë e opinionit publik është marrë me numërimin e ministrave e zëvendësministrave, e njëjta qeveri fali në formë joligjore, jokushtetuese, borxhin prej 58 milionë euro ambalazhuesve të ujit, dha para për pjesëmarrësit e grupit të Kumanovës”, ka kujtuar Surroi.
“Mori vendime për ngritje të pagave që janë po ashtu në kundërshtim me ligjin, dhe në fund mori një vendim që ka gjasa të jetë më i dëmshmi për vendin, kjo është kontrata për termocentralin Kosova e Re”, kishte vlerësuar publicisti.
