Banorët e Harilaçit nesër në protestë, kundërshtojnë ndërtimin e deponisë

Aktori Jeton Zogjiani, ka njoftuar në profilin e tij në Facebook, se banorët e fshatit të tij Harilac të Fushë Kosovës, do të protestojnë nesër kundër ndërtimit të deponisë së mbeturinave, para Komunës.

“Sipas organizimit te banoreve te fshatit tim Harilaç, nesër, ditë e marte, data 25.12.2018, prej orës 13:00 fillojmë protestën ne kundërshtim të ndërtimit te deponise se mbeturinave te rrezikshme ne fshatin tone. Deponi kjo qe do te rrezikoje ambientin dhe shëndetin e popullatës në një perimetër edhe me te gjere, për çka ftoj banoret e rrafshit te Kosovës, fshatrave përreth qe te bashkëngjiten ne këtë proteste për te kundërshtuar një rrezik permanent për shëndetin tone!, ka shkruar ai duke ftuar të gjithë të protestojnë.

“Me këtë rast ftoj edhe te gjitha shoqatat ambientaliste te cilat duan te kontribuojnë qe t’i japin zë këtij shqetësimi tone si dhe mediat për ta përcjelle këtë proteste. Për këtë, ju lutem qe ta pranoni publikisht ftesën time, mediat te cilat kane mbete thuaja se i vetmi institucion ndërgjegjësua në këtë vend, ku te gjithë e kane për turp vetëm kur dalin ne media, se me gjykata e akuza u bene imun”, ka shkruar Zogjiani. /Periskopi