Aksidenti me fatalitet në Çallapek, një i vdekur dhe 18 të lënduar

Aksidenti ka ndodhur në mes një autobusi të udhëtareve dhe një automjeti me tabela të shtetit të Gjermanisë, me vozitës mashkull.

Siç njofton Policia e Kosovës, viktima ishte një 37 vjeçar me iniciale B.M që po voziste një veturë me targa gjermane.

“Si pasojë e aksidentit dhe lëndimeve të rënda trupore vozitësi i automjetit viktima mashkull, ka ndërruar jetë. Gjithashtu lëndime të lehta trupore kanë pësuar vozitësi i autobusit dhe shtatëmbëdhjetë persona tjerë, tetë meshkuj dhe nëntë femëra, të cilët kanë marrë tretman mjekësor”, thuhet në njoftimin e Policisë.

Rastit iu kanë përgjigjur njësitet relevante policore.

Me urdhrin e prokurorit, trupi i pa jetë  i viktimës dërgohet për obduksion në IML, ndërsa, vozitësi i dyshuar është dërguar në qendrën e mbajtjes.

Periskopi  mbrëmë ka raportuar për rastin në fjalë, ku kemi mësuar se viktima është nga fshati Gadime i komunës së Lipjanit. Ai kishte ardhur për festat e fundvitit nga Gjermania.

Ja fotografitë e siguruara;