2 orë më parëAhmeti me projektligj për dialogun me Serbinë, ia kujton LDK’së se veti e bëri Thaçin president
Periskopi(7 vite më parë)
(7 vite më parë)Kryetari i Partisë Socialdemokrate, Shpend Ahmeti ka thënë se kanë përgatitur një platformë për dialogun, e cila brenda 30 ditëve do të shkojë për votim në Kuvend të Kosovës. Sipas tij, Kosova është në gjendje të rëndë aktualisht. “Po përgatitet platformë që brenda 30 dite do të shkojë në Kuvend, po ia kthejmë transparencën procesit. […]
Sipas tij, Kosova është në gjendje të rëndë aktualisht.
“Po përgatitet platformë që brenda 30 dite do të shkojë në Kuvend, po ia kthejmë transparencën procesit. BE nuk i ka mbajt premtimet ndaj Kosovës, nuk po dua ta shfajësoj Qeverinë. Jemi në situatë të rëndë. Propozimi ynë është që të kalojë rezoluta. Nuk do të ketë marrëveshje me Serbinë pa njohje reciproke nga Serbia”, ka thënë Ahmeti.
Ai ka dhënë më shumë detaje për platformën e tyre për dialogun.
“Kemi vënë komision mbikëqyrës në Kuvend, që të udhëhiqet nga opozita, ku do të raportojmë pas çdo takimi në Kuvend. Ne mendoj se ky duhet të jetë ligj i veçantë për kohën sa zgjat dialogu. Kemi dërguar projektligjin për detyrat, përgjegjësitë dhe kompetencat e delegacionit. Ky ligj përcakton hierarkinë, tregon si autorizohet ky delegacion, kush do të jetë pjesëmarrës, madje edhe përfaqësues të shoqërisë civile. Do të ketë edhe gjashtë anëtarë të Qeverisë në përbërje edhe thuhet që të mos ndodh asnjë marrëveshje ku opozita nuk është dakord apo e përfshirë. Qeveria duhet të ketë përgjegjësinë kryesore në këtë proces”, ka thënë Ahmeti në Rubikon të KTV’së.
Tutje, ai ia ka rikujtuar LDK’së se ata e kanë bërë president Thaçin dhe se tash s’mund të kërkojnë dorëheqjen e tij.
“Ne nuk e heqim Thaçin, se LDK me vota të veta e ka ba. Na s’mundemi me i thanë Thaçit me jap dorëheqje. S’mund të mendojmë elektoralisht në këtë proces”, tha Ahmeti./PERISKOPI
