7 orë më parë15 mijë qytetar dhanë nënshkrimin për bashkimin e Mitrovicës brenda një jave (Video)
Periskopi(7 vite më parë)
(7 vite më parë)Rreth 15 mijë qytetarë kanë hedhur nënshkrimin e tyre në peticionin që ka për qëllim bashkimin e qytetit të Mitrovicës. Nënkryetari i Komunës, Faruk Mujka, thotë se peticioni do të dorëzohet në Kuvendin e Kosovës javën e parë të janarit, raporton KTV. Ai shprehet i bindur se peticioni do të marrë mbështetje nga të gjithë […]
Rreth 15 mijë qytetarë kanë hedhur nënshkrimin e tyre në peticionin që ka për qëllim bashkimin e qytetit të Mitrovicës.
Nënkryetari i Komunës, Faruk Mujka, thotë se peticioni do të dorëzohet në Kuvendin e Kosovës javën e parë të janarit, raporton KTV.
Ai shprehet i bindur se peticioni do të marrë mbështetje nga të gjithë deputetët.
Qytetarët thonë se nëse ka vullnet politik, bashkimi i qytetit do të ndodhë.
Kryetari i Mitrovicës së Jugut, Agim Bahtiri, nisi me idenë për bashkimin e qytetit në një komunë të vetme, pas dorëheqjes së kryetarit të Mitrovicës Veriore, Goran Rakiq.
Bahtiri ka vazhduar përpjekjet për realizimin e idesë së tij me anë të peticionit, pasi kërkesa për ndryshim të ligjit për kufij iu refuzua nga Ministria e Pushtetit Lokal.
Ndonëse Bahtiri është shprehur i bindur se iniciativa e tij përkrahet edhe nga institucionet qendrore, ka qenë kryeministri Ramush Haradinaj, i cili iniciativën për bashkim të qytetit e ka parë joserioze./Periskopi
