3 orë më parëVuçiq: Nuk jam shqiptar, por jam armik i kujtdo që përndjekë dhe vranë popullin serb
Periskopi(8 vite më parë)
(8 vite më parë)Presidenti i Serbisë, Aleksandër Vuçiq ka thënë se ai nuk është armik i shqiptarëve, por është armik i kujtdo që dëshiron të përndjekë dhe të vrasë popullin serb, prandaj thotë se e kupton deklaratën e Kadri Veselit se ‘Vuçiq është armiku më i madh i pavarësisë së Kosovës”, raporton Periskopi. Vuçiq deklaroi se ai do […]
Vuçiq deklaroi se ai do të vazhdojë të mbrojë interesat e Serbisë dhe popullit serbë, andaj do të kujdeset t’i mbrojë ata nga kërcënimet e kujtdo.
“Ata duan të dalin si kundërshtarë të atyre që fitojnë lehtë, dhe unë jam i nderuar nga një qëndrim i tillë”, ka thënë Vuçiqi.
Presidenti serb, Aleksandar Vuçiq deklaroi se ka informata rreth vrasjes së gjashtë serbëve të rinj në Pejë në vitin 1998, për çka ende askush nuk është përgjigjur.
Dy burra të maskuar para 20 vjetësh më 14 dhjetor 1998 hynë në lokalin “Panda” në Pejë dhe vranë gjashtë nxënës të shkollës së mesme.
“Kam informata për këtë, por organet tona përgjegjëse duhet të kërkojnë dëshmi të sakta që ky krim i tmerrshëm të mund të zbardhet. Sa i përket Serbisë dhe mua personalisht, prindërit e nxënësve të vrarë duhet të jenë të bindur që të vërtetën nuk do ta fshehim pavarësisht se kush mori pjesë në këtë krim të rëndë e të tmerrshëm, qoftë fjala për shqiptarët qoftë për serbët, gjë e cila supozoj shumë kë do ta befasonte”, tha ai në një intervistë për televizion TV Prva.
Vuçiqi shtoi se është i pari i cili mori guximin që të flasë për këtë, dhe se nuk shqetësohet rreth rrezikut të cilin e ndërmori.
