Surroi: Thaçi, piun i Vuçiqit – Analfabetët krijuan sistem që prodhon analfabetë

Publicistja dhe shkrimtarja Flaka Surroi ka bërë shkrimin e fundit në lidhje me zhvillimet e fundit politike në Kosovë, shkruan Periskopi.

As kësaj here, ajo nuk ka kursyer kritikat e ashpra ndaj pushtetit qeverisës dhe në veçanti presidentit Hashim Thaçi. Surroi poashtu ka kritikuar opozitën që nuk ia doli ta miratonte rezolutën që do t’ia ndalonte presidentit Thaçi të negocionte për kufijtë e vendit.

“E kemi një Qeveri përplot me persona me aktakuza; për çdo ditë na shfaqet ndonjë zëvendësministër me ndonjë aktakuzë të re; pjesë të shërbimit diplomatik e konsullor bëhen njerëz që as marrin vesh diplomaci, por kualifikohen se janë të afërm politikanësh a militantë partish; sistemin e arsimit e kemi vënë nën kontrollin e një partie minore — për të siguruar vota për zgjedhjet e ardhshme — ani që analfabetët e udhëheqin sistemin që prodhon analfabetë; sistemin shëndetësor e kemi shkatërruar deri në rrënjë, aq sa vetëm ka mbetur t’i lutesh fatit që të mos sëmuresh; e ke një sistem në të cilin po qe se je “i madh” të mbron mekanizmi i dhunës: policia nuk merret me ty, përkundrazi, shikon si me t’i mbyllë dosjet ende pa u hapur; e ke një vend ku prokurorët më shumë rrinë nëpër mbledhje, sesa që shikojnë ta kryejnë punën me të cilën i ka ngarkuar ligji…” – shkruan ndër tjerash ajo.

Sa i përket presidentit Thaçi, Surroi nuk ngurron ta quajë ‘piun të presidentit serb Aleksandër Vuçiq’ i cili e përdor të parin sa herë të ketë nevojë.

Lexoni shkrimin e plotë duke klikuar këtu.