3 orë më parëShqiptari që kundërshton pavarësinë e Kosovës kërkon sot votat në Luginë
Periskopi(8 vite më parë)
(8 vite më parë)Demo Berisha është shqiptari që nuk e njeh pavarësinë e Kosovës, ndërsa, sot kërkon votën për Këshillin Nacional Shqiptar në Luginën e Preshevës. Ai thotë se është në kërkim të bashkëpunëtorëve të tjerë, ndërsa, synon që t’ua marrë elektoratin partive shqiptare në Preshevë e Bujanovcë. Demo Berisha deklaron se ka lindur në Pejë dhe tani […]
Ai thotë se është në kërkim të bashkëpunëtorëve të tjerë, ndërsa, synon që t’ua marrë elektoratin partive shqiptare në Preshevë e Bujanovcë.
Demo Berisha deklaron se ka lindur në Pejë dhe tani jeton në Vojvodinë, por nuk e njeh Republikën e Kosovës dhe që atdheu i tij është Serbia. Në një intervistë që ka bërë për televizione të Vojvodinës ( RTV Panonia dhe kanal 9), ai thotë se shkollën fillore e ka kryer në Kosovë, pastaj ka vazhduar në Sarajevë, ku ka kryer shkollën ushtarake, pastaj karrierën e ka filluar në Novi Sad.
Thotë se ka qenë pjesëtar i ushtrisë jugosllave dhe ka përfunduar karrierën e tij në ushtrinë e Serbisë, duke punuar një kohë të gjatë në policinë ushtarake.
Për Berishën, atdheu i tij është Serbia dhe në të është e përfshirë edhe Republika e Kosovës.
Berishës nuk i kanë penguar të qëndrojë në ushtrinë Serbe edhe pas të gjitha krimeve që ushtria serbe i ka kryer para dhe gjatë luftës së vitit 1999 në Kosovë dhe për të Kosova është pjesë e Serbisë. Ai mund të jetë edhe pjesëmarrës në krime në Kosovë, meqenëse e gjithë ushtria serbe ka qenë e angazhuar në Kosovë. Ai madje vazhdon ta thërras Kosovën si “Kosovë e Metohi”.
Berisha mendon se nuk është shqiptari i vetëm që mendon kështu, prandaj, dhe ka themeluar më 2014-ën, në Serbi, organizatën joqeveritare “Amza e Shqiptarëve të Serbisë” (Matica Albanaca Srbije – MAS), e cila sipas tij, ka 4600 anëtarë në territorin e Vojvodinës nga 6000 shqiptarë që sipas Berishës ka në Vojvodinë ndërsa ne terë territorin e Serbisë thotë se ka mbi 180.000 Shqiptarë.
Shoqata deklaron se merret me marrëdhëniet shqiptaro-serbe, dhe për më shumë, avancimin e të disa të drejtave të shqiptarëve në Serbi. Madje, emri zyrtar i OJQ-së është serbisht.
Berisha shkon edhe më tutje duke deklaruar se planifikon që nga shoqata të kalojë në lëvizje dhe pastaj në parti politike.
Ai thotë gjithashtu se ka kontaktuar me disa nga figurat e këtyre partive, por vazhdimisht është në kontakt edhe me figura të tjera shqiptare, të cilët nuk i njohin mirë qëndrimet e tij. Në mesin e këtyre kontakteve është edhe Ambasada Shqiptare në Beograd,Ilir Bocka.
Berisha në një intervistë deklaron se Kosova është pjesë e Serbisë, është kundër bombardimeve të NATO-së…e.t.j
