Reagimi i Halitit: Presidenti Thaçi nuk është instrument i Aleksandër Vuçiqit

Nënkryetari i Kuvendit të Kosovës, Xhavit Haliti ka thënë se Presidenti i Serbisë Aleksandar Vuçiq nuk ka mundur ta instrumentalizojë presidentin e Kosovës Hashim Thaçi për qëllimet e tij, siç po akuzohet shpesh kohëve të fundit.

Haliti, në një intervistë për Periskopin ka thënë se ata që të dy janë presidentë që i mbrojnë interesat e popujve të tyre kur negociojnë para bashkësisë ndërkombëtare.

‘’Presidenti Thaçi e Presidenti Vuçiq janë dy presidentë që i mbrojnë interesat e popujve të tyre. Të dytë kanë qëndrimet e tyre. Mendoj se të dytë ia kanë me hile njani-tjetrit, nuk është që Vuçiqi ka përfitu dhe e ka shndërru në intstrument Hashim Thaçin, siç po lexoj nëpër media’’, tha ai.

Haliti ka folur edhe për përpjekjet e Thaçit për korrigjim kufijsh, por thotë se nuk e ka të qartë se cila është platofrma definitive në këtë përpjekje të tij.

Megjithatë, ai ka mbajtur qëndrimin e partisë së tij, duke thënë se Kosova ka kufijtë e vet dhe se ato kufij mbrohen nga NATO-ja.

‘’Mendoj se ajo që e thotë zoti Thaçi, korrigjimin e kufijve… vija kufitare është e shënuar. Vi kufitare kanë shënuar edhe në të ’74-ën edhe masluftës, i kanë vendosë pikat mekanizmat ndërkombëtarë. Kufijtë e Kosovës janë të garantuar nga NATO’’, tha ai. /Periskopi/

https://www.facebook.com/periskopi/videos/908170609382413/?__xts__[0]=68.ARAB3Ul5gekjkXRfsWKLoQ1t7G96bfJ2M6kFA50lKHnDjdGBr4Mt1UJ669Rsn0coueyQH3tGEaaMDgt7Bume6SfO0uW5mlk7Rypdm17iV6qA9NkFH4–VrYFw-Uec-soPKQzHIlmAVf6QQ7T6L2fpezWlmEbPfd8fB7t5FZDUyCs9uuzKb5QbGJw8EegLnELo2OcUPm9aE3d6d6Nsh3-ITCxck7R6Ast0lE9VA&__tn__=-R