5 orë më parëPavarësisht kundërshtimit të Haradinajt, zyrtarët qeveritarë avokojnë për korrigjimin e kufirit
Periskopi(8 vite më parë)
(8 vite më parë)Në kundërshtim me qëndrimin e kryeministrit Ramush Haradinaj, zyrtarë rangjesh të ndryshme të Qeverisë janë duke avokuar në takime private e zyrtare me ndërkombëtarët, për opsionin e “korrigjimit” të kufirit ndërmjet Kosovës dhe Serbisë. E, presidenti Hashim Thaçi është duke i sforcuar përpjekjet për ta bërë realitet këtë opsion. Burime ndërkombëtare të “Kohës Ditore” kanë […]
E, presidenti Hashim Thaçi është duke i sforcuar përpjekjet për ta bërë realitet këtë opsion.
Burime ndërkombëtare të “Kohës Ditore” kanë thënë të enjten të jenë habitur kur kanë parë zyrtarë qeveritarë tek prezantojnë një qëndrim rreth zgjidhjes së problemit me Serbinë, i cili është kontradiktor me atë që e mban shefi i ekzekutivit.
Në mesin e këtyre ka ministra, këshilltarë ministrash e edhe zyrtarë të rangjeve më të ulëta.
“Ka përfaqësues të ndryshëm, madje edhe ministra e këshilltarë të lartë politikë, që po e përfaqësojnë Qeverinë në ngjarje të ndryshme, përfshirë konferenca e takime të mbyllura, dhe po avokojnë për opsionin e këmbimit të territoreve me Serbinë”, i ka thënë gazetës një burim ndërkombëtar, i cili ka vënë në dispozicion dhe dëshmi të atyre që ka thënë.
