12 minuta më parëPas vendosjes së takses, bizneset kërkojnë koordinim për klasifikimin e brendeve ndërkombëtare
Periskopi(8 vite më parë)
(8 vite më parë)Komuniteteti i bizneseve të Kosovës në një takim që kanë zhvilluar me Odën Ekonomike të Kosovës kanë kërkuar sqarime të detajuar rreth afatit kohorë të këtij vendimi dhe informim më të detajuar rreth proceseve përcjellëse, të takës prej 100 % ndaj produkteve nga Serbia dhe Bosnja. Sipas njoftimit nga Oda Ekonomike, bizneset e kanë përkrahur […]
Sipas njoftimit nga Oda Ekonomike, bizneset e kanë përkrahur vendimin e qeverisë ndërkohë që kanë kërkuar koordinim më të mirë ndërinstitucional për klasifikimin e brendeve ndërkombëtare,
“Për më shumë bizneset shprehin nevojën për koordinim më të mirë ndërinstitucional për klasifikimin e brendeve ndërkombëtare, mallin që gjendet në depot doganore dhe politikave shtetërore për mbështjetjen e prodhimeve vendore”, thuhet në njoftim.
Ndërsa kryetari i odës Berat Rukiqi, tha se qëndrimi i Odës Ekonomike për taksën prej 100%, është pro mbrojtjes së prodhuesve vendorë.
“Bazuar ne supozimin që tregtia e lirë ka kuptim vetëm kur zhvillohet në kushte të barabarta, fer dhe me respekt reciprok; bazuar në interesin shtetëror për fuqizim të subjektivitetit ndërkombëtar, si një ndër parakushtet për stabilitet politik dhe ekonomik, OEK përkrah vendimin për masa të politikës tregtare ndaj produkteve nga Serbia dhe Bosnja dhe Hercegovina, si mjet i pashmangshëm per zbatim te marreveshjes së CEFTA-së, zbatim te marrëveshjeve bilaterale me Serbine dhe respektim te lirive themelore, përfshire lëvizjen e lirë të njerëzve, mallrave dhe sherbimeve”, tha ai.
