5 orë më parëMerr fund drama e pengjeve në Itali, arrestohet pengmarrësi
Periskopi(8 vite më parë)
(8 vite më parë)Policia italiane arrestoi Francesco Amato, i cili sot nën kërcënimin e thikës po mbante pengje në një postë të Pjeva Modoleno, raporton ANSA. Para arrestimit, Amato lëshoi dy nga katër pengjet dhe deri më tash është e paqartë nëse është dorëzuar ose policia e nxori me dhunë nga posta. Kur u shfaqën me rrëmbyesin përpara […]
Policia italiane arrestoi Francesco Amato, i cili sot nën kërcënimin e thikës po mbante pengje në një postë të Pjeva Modoleno, raporton ANSA.
Para arrestimit, Amato lëshoi dy nga katër pengjet dhe deri më tash është e paqartë nëse është dorëzuar ose policia e nxori me dhunë nga posta.
Kur u shfaqën me rrëmbyesin përpara zyrës së postës, oficerët e policisë morën një shpërthim duartrokitjeje nga njerëzit e pranishëm në vend, shton agjencia.
Amato disa ditë më parë u dënua me 19 vjet burg për lidhje me mafinë.
ANSA raporton se Amato kishte kërkuar të fliste me ministrin e Brendshëm italian.
Ai është njëri nga 125 të akuzuar, të cilët u dënuan javën e kaluar në Emilia Reggia, në gjyq për përfshirjen e grupit të organizuar kriminal Ndranget nga jugu i Italisë në çështjet e rrethit të Emilia.
ANSA raportoi se Amato, kur hyri në postë, kishte thirrur: “Unë u dënova me 19 vjet.”
