4 orë më parëMay marrëveshje sekrete me Brukselin, për ta mbajtur Britaninë brenda një sistemi unik të doganave
Periskopi(8 vite më parë)
(8 vite më parë)Raportohet se mbrëmë vonë Kryeministrja e Britanisë së Madhe, Theresa May, ka arritur marrëveshje me Brukselin. Plani i saj shpresohet se do ta mënjanojë nevojën për një kufi të përforcuar me Irlandën e Veriut. Sidoqoftë, edhe nëse plani i saj miratohet nga Bashkimi Evropian, ka mundësi që një plan i tillë të mos i marrë […]
Raportohet se mbrëmë vonë Kryeministrja e Britanisë së Madhe, Theresa May, ka arritur marrëveshje me Brukselin. Plani i saj shpresohet se do ta mënjanojë nevojën për një kufi të përforcuar me Irlandën e Veriut. Sidoqoftë, edhe nëse plani i saj miratohet nga Bashkimi Evropian, ka mundësi që një plan i tillë të mos i marrë votat e mjaftueshme në Dhomët e Ulët të Parlamentit Britanik.
Ky plan synon ta shmangë ngecjen në negociata me BE-në për arritjen e një marrëveshjeje përfundimtare për tërheqje të vendit nga BE-ja. Qeveria Britanike po mundohet ta bindë Brukselin që ta mbajë një samit emergjent brenda pak ditësh për ta vulosur “divorcin” mes Britanisë së Madhe dhe Bashkimit Evropian dhe pastaj ta fitojë edhe mbështetjen e deputetëve të Parlamentit Britanik.
Një marrëveshje e mundshme për përfshirje të të gjitha shteteve të Mbretërisë së Bashkuar në një sistem doganor do të përfshihej në marrëveshjen përfundimtare për tërheqje të vendit nga BE-ja dhe në këtë mënyrë nuk do të kishte nevojë për kontrollim të mallrave në kufi, por një kontrollim i thjeshtë do të bëhet vetëm nëpër fabrika.
Mendohet se May fillimisht do ta paraqesë këtë plan para Brukselit si plan të përkohshëm, përndryshe alternativë tjetër do të mbetej një tërheqje pa marrëveshje në mars, e cila parashihet se do të kishte pasoja të mëdha për Britaninë e Madhe, shkruan “Dailymail”
