‘’Janë insinuata’’, Xhavit Haliti flet për kryeprokurorin e Speciales i cili nuk takoi Thaçin e Haradinajn

Më 31 tetor kryeprokurori i përgjithshëm i Gjykatës Speciale, Jack Smith, vizitoi Kosovën për herë të parë, ku mes krerëve më të lartë të vendit, ai takoi vetëm ministrin e Drejtësisë Abelard Tahiri.

Xhavit Haliti, duke folur në një intervistë për Periskopin, ka thënë se kjo nuk është sjellje e jashtëzakonshme e kryeprokurorit të Speciales, por është tërësisht brenda agjendës së tij.

‘’Ky personi që ka ardhë, prokurori i përgjithshëm, është ditë se ka takuar institucionet në raport me të cilat ai ka punë. Ai nuk është politikan dhe nuk ka lidhje organike, as me presidentin, as me kryeministrin, as me kryetarin e Parlamentit dhe as me grupe politike të Kosovës. Ato insinuatat që jo s’e takoj kryeministrin, jo s’e takoj presidentin, janë vetëm insinuata. Mendimi se ai është dashtë me taku kryeministrin, presidentin e kryetarin e parlamentit është i gabueshëm dhe absolutisht ai s’ka pas asnjë nevojë me i taku këta’’, tha Haliti.

Haliti tha se edhe paraardhësi i kryeprokurorit Smith kishte takuar vetëm ministrin e Drejtësisë të asaj kohe. /Periskopi/