3 orë më parëIschingeri i ha fjalët, tash i lavdëron Thaçin dhe Brnabiqin
Periskopi(8 vite më parë)
(8 vite më parë)Ish-ambasadori gjerman, Wolfgang Ischinger, i cili është organizatori i Konferencës së Sigurisë së Munihut, që këtë radhë i zhvilloi punimet në Minsk të Bjellarusisë, ka komentuar sërish përmes llogarisë zyrtare të konferencës qëndrimet e presidentit Thaçi dhe kryeministres serbe, por këtë radhë më ndryshe. “Dje, në Takimin e Grupit Kryesor, Kryeministrja e Serbisë Ana Brnabiq […]
“Dje, në Takimin e Grupit Kryesor, Kryeministrja e Serbisë Ana Brnabiq dhe Presidenti i Kosovës, Hashim Thaçi, të dytë shprehën shpresë për dialogun Beograd-Prishtinë dhe për një marrëveshje gjithëpërfshirëse për paqe. Foto nga deklaratat e tyre në MCDMinsk”, shkruan në llogarinë zyrtare të Konferencës së Sigurisë. Duket se reagimi i presidentit Thaçi, i cili ishte parafrazuar gabimisht herën e parë, ka bërë që Ischinger të ndryshoi komunikimin herën e dytë. Ai në orët e mëngjesit i ka lavdëruar Thaçin e Brnabiq për diskutimin përmbajtjesor. “Diskutimi në Minsk për negociatat Kosovë-Serbi, nga presidenti Hashim Thaçi dhe kryeministrja Ana Brnabiq, ishte veçanërisht i mprehtë/përmbajtjesor. Ky diskutim do të vazhdohet në Konferencën e Sigurisë së Munihut në shkurt 2019, me shpresë për një raport progresi përkitazi me njohjen e ndërsjellë”, ka shkruar Ischinger në llogarinë e tij.
Ndërsa, krejt në fund ai i ka falënderuar dhe madje ka bërë ritweet një postim të presidentit Thaçi.
