2 orë më parëEmigrantët vazhdojnë udhëtimin drejt SHBA-ve
Periskopi(8 vite më parë)
(8 vite më parë)Emigrantët nga vendet e Amerikës Qendrore të cilët po udhëtojnë në këmbë drejt Shteteve të Bashkuara, shprehën hapur mosmarrëveshjet me organizatorët e marshimit të shtunën në lidhje me autobusët që ata shpresonin se do t’i dërgonin në Meksiko Siti. Të lodhur nga udhëtimi disa javor, mijëra emigrantë të karvanit, burra, gra dhe fëmijë, vendosën të […]
Të lodhur nga udhëtimi disa javor, mijëra emigrantë të karvanit, burra, gra dhe fëmijë, vendosën të pushojnë në qytetet Juan Rodriguez Clara, Veracruz dhe Isla, që ndodhen rreth 60 kilometra nga ndalesa e tyre e mëparshme në Sayula.
“Ata na ofruan 150 autobusë dhe në fund na gënjyen, siç na kanë gënjyer që nga fillimi. Organizatorët nga Ciudad Hidalgo na bënë premtime për transport, ata po luajnë me ndjenjat tona”, thotë Augusto Ramirez, emigrant nga Hondurasi.
Një tjetër kontigjent vendosi të vazhdonte udhëtimin drejt qytetit Tierra Blanca, që ndodhet rreth 130 kilometra në veri.
“E vërteta është se ata nuk janë serioz me ne, sepse ne kemi lëvizur me burimet tona vetjake. Nuk bën asnjë ndryshim fakti nëse ata na ofrojnë mjete trasnporti apo jo. Ne duam të vazhdojmë rrugën tonë”, thotë Marvin Toro, emigrant nga Hondurasi.
