5 orë më parë2400 fëmijë në karvanin ‘pushtues’ të emigrantëve që u nisën drejt ShBA
Periskopi(8 vite më parë)
(8 vite më parë)Ndërsa Presidenti Donald Trump bën deklarata të ashpra ndaj emigracionit, disa karvane emigrantësh po përpiqen t’i afrohen kufirit të Shteteve të Bashkuara. Në Meksikë ndodhet një pjesë e mirë e tyre. Sipas UNICEF-it, nga emigrantët që kanë hyrë deri më tani në Meksikë, 2400 janë fëmijë. Karvani i emigrantëve vazhdon të lëvizë. Dhjetëra prej tyre, […]
Ndërsa Presidenti Donald Trump bën deklarata të ashpra ndaj emigracionit, disa karvane emigrantësh po përpiqen t’i afrohen kufirit të Shteteve të Bashkuara. Në Meksikë ndodhet një pjesë e mirë e tyre. Sipas UNICEF-it, nga emigrantët që kanë hyrë deri më tani në Meksikë, 2400 janë fëmijë.
Karvani i emigrantëve vazhdon të lëvizë. Dhjetëra prej tyre, një pjesë me kamionë dhe të tjerë më këmbë, mbërrijnë në qytetin e vogël meksikan, Sayula, që është shndërruar në pikën më të fundit të takimit të emigrantëve. Sipas llogaritjeve më të fundit, ata numërohen ende me mijëra. UNICEF-i njoftoi se rreth 2400 prej emigrantëve që kanë hyrë në Meksikë janë fëmijë.
Viktor Escobar la vendin e tij, El Salvadorin, për të arritur karvanin që Presidenti Donald Trump e krahasoi me një pushtim. Këtë javë, Presidenti Trump urdhëroi dërgimin e 5 mijë ushtarëve të parë në kufirin SHBA – Meksikë, raporton VOA.
“Nuk mund të jetë pushtim. Fëmijët nuk pushtojnë. Shumica janë njerëz punëtorë”, thotë emigranti Victor Escobar.
Shumica prej tyre dëshirojnë të hyjnë në Shtetet e Bashkuara, ku emigracioni është shndërruar në një çështje qendrore në prag të zgjedhjeve për Kongresin, duke ndikuar ndoshta tek votuesit e hershëm dhe retorika e fortë në të dyja palët. Ish-Presidenti Obama deklaroi se ushtria po përdoret politikisht.
“Tani po dërgojnë ushtarakët tanë trima. Po i dërgojnë për një manovër politike”, u shpreh gjatë një tubimi elektoral ish-Presidenti Barack Obama.
Një karvan i dytë u përplas në kufirin me Guatemalën me rojet kufitare meksikane, duke i goditur ata me gurë. Presidenti Trump sinjalizoi se nëse veprojnë njësoj në kufirin me SHBA-në, atëherë do të priten me armë zjarri.
“Nuk do tolerojmë. Nëse godasin me gurë, ushtria do të kundërpërgjigjet. U kam thënë ta konsiderojnë goditjen me armë”, deklaroi Presidenti Trump.
Por, më vonë u duk se Presidenti u tërhoq.
“Nuk thashë të qëllojnë. Por, nëse na godasin, do futen në burg për një kohë të gjatë”, tha Trump.
Ndërkohë, Cindy Ramirez nga Hondurasi, së bashku me motrën e saj, qajnë çdo natë, ndërsa shpresojnë të lejohen të hyjnë në SHBA.
