2 orë më parëZyrtari i VV’së thotë se Donika Kadaj e vodhi propozimin për shtesat e fëmijëve nga programi i kësaj partie
Periskopi(8 vite më parë)
(8 vite më parë)Zyrtari i Vetëvendosjes, Boiken Abazi thotë se propozimi i deputetes së AAK’së, Donika Kadaj-Bujupi për ndarjen e një shume prej 10 eurosh për fëmijët deri në moshën 16 v për fëmijët deri në moshën 16 vjeç është pjesë e programit të Lëvizjes Vetëvendosje. Në këtë mënyrë, thotë ai, ‘Donika po vjelë qershi’. Postimi i plotë […]
Zyrtari i Vetëvendosjes, Boiken Abazi thotë se propozimi i deputetes së AAK’së, Donika Kadaj-Bujupi për ndarjen e një shume prej 10 eurosh për fëmijët deri në moshën 16 v për fëmijët deri në moshën 16 vjeç është pjesë e programit të Lëvizjes Vetëvendosje.
Në këtë mënyrë, thotë ai, ‘Donika po vjelë qershi’.
Postimi i plotë i tij:
Donika, kjo deputete që vjelë qershi
Donika Kadaj e AAK-së ka propozuar një pikë nga programi politik i Lëvizjes, që lidhet me shtesat për fëmijë, për të ndihmuar familjet në Kosovë. Unë i them mos të ndalen me kaq sepse këto masa nuk janë për Lëvizjen por për Kosovën. Pra, le të marri Donika dhe AAK-ja edhe të tjerat: Bankën Zhvillimore, themelimin e ushtrisë, rishikimin dhe tërheqjen e marrëveshjes për Demarkacionin, subvencionet dhe ujitjen për tokat bujqësore përmes rivitalizimit të Iber-Lepencit, ligjin për mbrojtjen e prodhimeve vendore, banimin e përballueshëm, furnizimin me ujë të pijshëm, tatimin progresiv, tregun e përbashkët Kosovë-Shqipëri, rritjen e pensioneve, sigurimet shëndetësore, sigurimin e jetës për policët dhe zjarrfikësit, hapjen e 160 çerdheve të reja, arsimin e lartë pa pagesë, ushqimin falas për gjithë nxënësit në shkollat fillore, hetimin e SHIK-ut, reformën legjislative për mërgatën, ligjin anti-mafia dhe vetingun në gjyqësor, Komisionin e Venecias për marrëveshjen e prillit 2013, ligjin për referendum e të drejtën për bashkim …
Pse nuk na i merr Donika dhe AAK-ja edhe këto masa të tjera? Mbase e shohin Lëvizjen si pemë qershie nga e cila lehtësisht mund të këpusin e hanë ndonjë kokërr. Ata harrojnë se këto “kokrra qershie” nuk mbinë nga hiçi, por nga degët dhe trungu i rrënjosur në të drejtën për vetëvendosje, për të kultivuar drejtësi e barazi. Dallimi i madh është se Lëvizja këto fryte i rrit për popullin, ndërsa AAK-ja, që kur i përzgjedh pa e kuptuar ndërlidhjen e tyre me njëra-tjetrën, dihet se i do për t’i ngrënë për vete, që të shtojë dhjamin në qeveri.
Por më kot del Donika me vjelë qershi, se e dinë të gjithë që kjo qeveri nuk lëshon fryte, është e kalbur e duhet rrëzuar përtokë si dru i tharë.
