Zyrtarët e BIK’ut, Osman Musliut: S’dalim në debat me ty, të njohim mirë kush je (Video)

Po vazhdojnë debatet e ashpra në kohën kur Bashkësia Islame e Kosovës, ka filluar zgjedhjet për kreun e saj, të cilin për shumë vite, e mban Myftiu Naim Tërnava.

Një nga zërat më të fuqishëm kundërshtues të rzigjedhjes së Tërnavës në krye të BIK’ut, është hoxha Osman Musliu.

Gjatë një debati të mbrëmshëm, Musliu është inkuadruar përmes telefonit, ku ka kërkuar debat me zyrtarët e Bashkësisë Islame, shkruan Periskopi.

“Këta, po ua baj një kërkesë, nëse janë burra edhe janë besimtarë edhe janë hoxhallarë, ni orë në emisionin tand, nëse don kam me i kapë edhe për qafe, le ta bajmë një debat televiziv. Pra, nëse çdo fjalë që e foli, për çdo fjalë jap përgjegjësi edhe para shtetit edhe para prokurorisë”, ka thënë Musliu.

Por, përgjigja e zëdhënësit të BIK’ut, Ahmet Sadriu, ka qenë negative. Ai thotë se nuk kanë çka të bisedojnë me Musliun pasi i kanë diskutuar më herët shumë gjëra dhe shton se ‘e njohin mirë kush është’.

“Kemi pasë debate më këto edhe nuk e shohim të arsyeshme me dalë para tij, e njofmi mirë, e njofmi njëri-tjetrin, e dimë mirë kush çka jemi, prandaj s’kam nevojë unë me dalë me të, i kemi qartësu gjanat”, ka thënë Sadriu./Periskopi/

https://www.facebook.com/tvdukagjiniofficial/videos/1181459438686576/