Topalli: Jeta e punëtorit shumë e lirë, për ta nuk po kujdeset askush

Në seancën e Kuvendit të Republikës së Kosovës, po debatohet për tema të ndryshme të vendit dhe deputetët po paraqesin kritika, pyetje dhe ankesa të qytetarëve.

Në paraqitjen e tij, deputeti i PSD-së, Faton Topalli, ngriti zërin për puntorët e ndërtimtarisë të cilët humbën jetën në vendin e punës.

Në këtë rast ai kërkoi përgjegjësi institucionale, ndryshim të Ligjit të Punës dhe sigurime për puntorët në vendin e punës dhe mbulim të shpenzimeve gjatë lëndimeve.

“Në Kosovë kanë humbur 93 puntorë në sektorin e ndërtimtarisë dhe janë lënduar 230 të tjerë. Ata nuk janë të regjistruar fare si kategori që punojnë, thjesht nuk ekzistojnë. Jo vetëm 93 punëtorët, por edhe të tjerët të gjallë janë jashtë rendit të ditës në Ministrinë e Punës dhe Mirëqenies Sociale, jashtë rendit të ditës në Ligjin e Punës jashtë Inspektoratit. Në rastin e lëndimeve në punë shpenzimet janë të mëdha dhe të gjithë maksimalisht edhe punëdhënësi duhet të jenë të angazhuar për familjet dhe punëtorin e tyre. Jeta e punëtorit dhe qytetarit është shumë e lirë. Ky supozim është realitet në Kosovë. Jam i sigurtë se do të ketë edhe në të ardhmen raste të tilla të vdekjes së puntorëve në punë”, ka thënë Topalli.

Më tej, deputeti Topalli i ka quajtur puntorët kosovarë heronjë të cilët nuk mbrohen nga askush.

“Problemi është që për mbrojtjën e tyre nuk po bënë ashkush asgjë. Duhet të formohet një Këshilllë Nacional që miraton dhe harton politika për sigurinë e puntorëve. Për 15 mijë heronjë të punës që jetën e tyre e vënë në rrezik për të siguruar bukën e gojës. Një Këshill i tillë nuk pati funksionuar mirë dhe  kjo tregon sa ka vlerë jeta e qytetarit në Kosovë. Ligji i punës ka nevojë për ndryshimdhe reformim, krijimi i fondit dhe sigurimit që do t’i mundësonte trajtim të merituar  puntorit” , ka përfunduar Topalli.