Thaçi tregon se kur mund të mbahet takimi i radhës me Vuçiqin në Bruksel

Presidenti i Kosovës, Hashim Thaçi ka thënë se pritet që ditët dhe javët në vijim dialogu mes Kosovës dhe Serbisë të ketë një dinamikë të re.

Ai ka thënë se ende nuk është caktuar ndonjë datë, por pritet që atë ta vendosë Bashkimi Evropian, transmeton Periskopi.

“Besoj dhe shpresoj që në ditët dhe javët e ardhshme do të kemi dinamikë të re të procesit të dialogout mes shtetit të Kosovës dhe Serbisë. Ritheksoj se ky dialog ka kuptim vetëm në rast se ndodh njohja për Kosovën nga Serbia dhe hapet perspektiva për Kosovën që të fitojmë njohjen edhe nga pesë vendet e BE’së, por edhe mundësia që pas dialogut të hiqet vetoja ruse për Kosovën dhe të ndodh njohja globale. Tash për ditën se kur do të ndodhë takimi i radhës vendos Bashkimi Evropian  natyrisht më mirëkuptim me udhëheqësit e të dy shteteve”, ka thënë ai./Periskopi/