Thaçi takon deputetin gjerman, i thotë se dialogu do të përfundojë me njohje reciproke

Presidenti i Kosovës, Hashim Thaçi ka takuar sot deputetin gjerman nga CDU, Peter Beyer.

Deputeti gjerman u njoftua për situatën politike në rajon, ecurinë e dialogut Kosovë-Serbi dhe më tej për raportet e këtyre dy vendeve.

Sipas presidentit Thaçi, shteti gjerman vazhdon ta mbështes procesin e anëtarësimit të Kosovës në organizatat ndërkombëtare.

Ky është procesi i plotë:

“Sapo përfundova një takim me deputetin gjerman nga radhët e CDU-së, Peter Beyer, me të cilin biseduam për marrëdhëniet ndërmjet dy shteteve, situatën politike në rajon si dhe për dialogun Kosovë – Serbi, i cili duhet të përfundojë me njohje reciproke. Jemi mirënjohjes për mbështetjen gjermane në procesin e shtetndërtimit në Kosovë. Shteti gjerman vazhdon ta mbështes procesin e anëtarësimit të Kosovës në organizata ndërkombëtare. HTH”. /Periskopi/